ARBORICHAE

ARBORICHAE

Galliae Belgicae insulae vulgo Zeelandt, contra ostia Scaldis, numero 7. Prima, Scaldia, vulgo Schowen, a Scaldi fluv. effecta, in qua Syrissaea oppid. Secunda, Duvelandia, in qua oppid. nullum; pagi, et villae aliquot. Tertia, Tola, in qua oppid. eiusdem nominis, cum Fano S. Martini oppidulo. Quarta Valacria, vulgo Walkeren, in qua Metelburgum, vulgo Middelburgh, urbs Episcopalis olim sub Archiepiscopo Machlinensi, oppida vero tria scil. Vera, quae et Campofera, vulgo Canfera, Veer ad ortum, Ulissinga, vulgo Flushing ad ortum, denique Ramua, vulgo Armuyden, portus celeberrimus. Quinta, Zuidbevelandia, in qua oppida 2. Romesvallia vulgo Romerswall, a Berga ad Somam urbe Brabanticâ 1. leuc. recedens; et Goae, sive Tergoae, vulgo Goes et Tergoes in ora adversa. Sexta, Nortbevelandia, cuius oppid. Corchienne e regione Verae aquis absorptum est. Septima, Wolferdicum, in qua nullum oppidum reperitur. Alii hîc fuisse Toxandros aiunt; Ortelius Massiacos. Inter Antverpiam et Mosam, in medio Brabantiae Arborichas locant. Becanus et alii. Vide Valesium.